КК Работнички вечерва забележа убедлива победа од 97:74 во салата „Лазар Лечиќ“ против Маџари во „МТЕЛ“ Супер лигата и со тоа ја прекина низата на негативни резултати во домашниот шампионат.
Сепак веста на денот беше Виктор Ефремовски, кој имаше неверојатен учинок и постигна повеќе од половина од поените за својот тим.
Репрезентативниот бек-шутер реализираше 50.поени, погодувајќи девет тројки (од 17.обиди, или 52% на успех), имаше високи 6/8 во обидите за два поени, и скоро перфектни 11/12 од линијата за слободни фрлања.
На сето тоа, додаде и седум скока во записникот, две асистенции, три освоени и четири загубени топки.
Standings provided by Sofascore
