Фудбалерите на Реал Мадрид повторно покажаа зошто го носат прекарот Кралски клуб.
Екипата на Алваро Арбелоа вечерва го декласираше фаворизираниот Манчестер Сити на „Сантијаго Бернабеу“ во првиот натпревар од осминафиналето на Лигата на шампионите, и тоа со убедливи 3:0.
Натпреварот на животот го одигра Уругвајецот Федерико Валверде, кој за околу 20 минути во првото полувреме постигна „хет-трик“ и ги направи дефанзивците на Сити да изгледаат смешно, кои на моменти изгледаа како распуштена армија.
Скапо платените играчи на Пеп Гвардиола не можеа апсолутно ништо да направат против вечерва десеткуваниот Реал, кој, за потсетување, не можеше да смета на неколку играчи од првиот тим, вклучувајќи го најдобриот стрелец Килијан Мбапе и Џуд Белингам.
Остана 3-0 до крајот за Реал, кој уште еднаш покажа зошто Лигата на шампионите е нивно натпреварување.
1st: Federico Valverde
2nd: Julián Alvarez
3rd: Khvicha Kvaratskhelia
4th: Michael OliseFede Valverde is your Player of the Week! 🌟@PlayStationEU | #UCLPOTW pic.twitter.com/1PYMsADj76
— UEFA Champions League (@ChampionsLeague) March 12, 2026
Реваншот е закажан за 17 март, но со оглед на вечерашната изведба на Сити, постои голема веројатност дури и тој натпревар да биде само формалност.
Конечни резултати од вечервашните натпревари:
Реал Мадрид – Манчестер Сити 3-0 (Валверде 20′, 27′, 42′)
Бодо Глимт – Спортинг 3-0 (Фет 32′ пенал, Бломберг 45′, Хог 71′)
ПСЖ – Челси 5-2 (Барклоа 10, Дембеле 40′, Витиња 74′, Кварацкелија 86′, 94′ / Густо 28′, Фернандез 57′)
