Шакил О’Нил верува дека треба да има само еден прифатлив исход за обновениот состав на Филаделфија 76 ерс следната сезона: НБА титула.
Коментирајќи на „SportsCenter“ за составот во кој се Леброн Џејмс, Џоел Ембид, Џејлен Браун и Тајрис Макси, О’Нил јасно стави до знаење дека ја смета Филаделфија за еден од најопасните тимови во лигата и не верува дека возраста, хемијата на тимот или идните планови треба да се користат како изговори.
„Или е титула или пропаст“, рече О’Нил. „Го имате големиот Леброн. Го имате големиот Ембид“, додаде легендарниот центар.
Шакил посебно го забележа Ембид, предизвикувајќи го поранешниот МВП повторно да се етаблира меѓу најдобрите високи играчи во НБА откако Никола Јокиќ го засени во последните години.
„Пред три или четири години, Чарлс и јас секогаш велевме дека е најдобриот висок играч“, рече О’Нил. „Џокер го надмина, да бидам искрен, и си создаде име. Моето прашање до Џоел е: Дали сака да си ја врати титулата? И ако сака, го молам да ми го покаже тоа“, додаде популарниот Шек.
