По елиминацијата од Португалија во осминафиналето на Светското првенство, Златко Далиќ најверојатно ќе ја напушти својата позиција како селектор на Хрватска и ќе прифати богата понуда од Обединетите Арапски Емирати вредна 5.000.000 евра годишно.
Тоа ќе биде крај на една голема ера на хрватскиот фудбал и заминување на најуспешниот тренер во историјата.
Далиќ ја презеде Хрватска на есен 2017 година, на Светското првенство во Русија 2018 година ја водеше репрезентацијата до големото финале, а четири години подоцна во Катар, Хрватска беше трета во светот.
Хрватска играше и во едно финале на Лигата на нации под негово водство, а не успеа само на Европското првенство, бидејќи беа елиминирани во осминафиналето во 2021 година, а во 2024 година не излегоа од групата.
Се очекува Далиќ, чиј договор истече по поразот од Португалија, да ја објави својата конечна одлука најдоцна до среда, 8 јули.
Според „Спортске Новости“, Славен Билиќ ќе биде наследник на Далиќ, а Лука Модриќ, чиј збор најмногу се слуша во Хрватска, дал „зелено светло“ за ова.
Доколку оваа информација се покаже како точна, Билиќ би се вратил на хрватската клупа по повеќе од десет години.
Најголемиот успех на Билиќ како селектор на Хрватска беше четвртфиналето на Европското првенство во 2008 година, на кое неговиот тим шокантно загуби од Турција.
