РК Алкалоид не успеа до бодови на премиерата на Регионалната лига против РК Партизан откако доживеа пораз од 31:39 (15:17).
Тимот на Кирил Лазаров се држеше до средината на второто полувреме кога дуелот беше изедначен, но потоа српскиот тим додаде гас и поведе прво со плус 4 (25:29) а нешто помалку од 10 минути до крајот разликата се искачи на 26:32. До крајот Партизан само ја зголеми предноста и се „реваншираше“ за првиот пораз во ова натпреварување од Еурофарм Пелистер.
Најдобар стрелец во екипата беше Никола Костески со шест гола, а по пет гола имаа Марко Стојковиќ и Нејц Цехте.
Следен меч за тимот е против РК Ловќен од Црна Гора (28 август, 19:00 часот, Автокоманда)
