Синдикатот на работниците што работат на стадионот СоФи во Инглвуд се закани со штрајк доколку ФИФА не гарантира дека агентите на американската Служба за имиграција и царина (ICE) ќе се држат подалеку од стадионот за време на Светското првенство.
Синдикатот, кој има 2.000 членови, постави три главни барања до ФИФА и сопственикот на стадионот, „Кроенке Спортс енд Ентертејнмент“.
Тоа се јавна обврска дека ICE нема да се меша во Светското првенство, заштита на работните места и условите за работа на членовите на синдикатот и поддршка за прифатливо домување за работниците.
Стадионот СоФи е еден од најмодерните во светот, а отворен е во 2020 година и се вели дека е најскапиот стадион во светот.
Изградбата чинеше помеѓу 5 и 6 милијарди долари и може да собере до 100.000 луѓе со максимален капацитет.
За потсетување, вршителот на должноста директор на Одделот за внатрешна безбедност, Тод Лионс, претходно изјави дека ICE ќе игра клучна улога на Светското првенство, што синдикатот го оцени како напад врз безбедноста и на нив и на гостите.
„ФИФА и нејзините корпоративни спонзори ќе заработат милијарди од натпреварите во Лос Анџелес, без дури ни да ја признаат работата на оние што ќе го овозможат целиот овој настан“, рече потпретседателот на синдикатот, Курт Петерсен.
 ќе се држат подалеку од стадионот за време на Светското првенство.){kind=link}