Легендата на Манчестер Јунајтед, Вејн Руни, нема сомнеж – Мајкл Карик мора да добие траен договор на „Олд Трафорд“.
Привремениот тренер на „Црвените ѓаволи“ доби силна поддршка и од Мајкл Овен, кој верува дека секоја друга одлука е нелогична.
„Тој треба да ја добие работата сто проценти. Знаев дека ова ќе се случи со Мајкл Карик. Го познавам многу добро, неговиот карактер и личност. Им требаше смирен човек, некој што го познава клубот и играчите, и тој им го даде тоа“, рече Руни.
Тој нагласи дека Јунајтед сега изгледа многу подобро.
„Гледаме повеќе квалитет, тимот изгледа покомпактен. Тој има најдобар процент на победи од кој било менаџер на Јунајтед во толку многу натпревари. За мене – нема сомнение.“
Овен има слично мислење.
„Тие пробаа речиси сè. По 12 години талкање, конечно имате некој што го извлекува максимумот од тимот, победува и се однесува прогресивно. Некои играчи го играат својот најдобар фудбал во последните неколку години.“
Карик го наследи Рубен Аморим на клупата во јануари и оттогаш има седум победи во десет натпревари, со што Манчестер Јунајтед се искачи на третото место во Премиер лигата и е на работ на квалификациите за Лигата на шампионите.
