Мирко Филиповиќ е вистинска легенда кога станува збор за боречки вештини и ММА, а познат е по прекарот Кро Коп.
Филиповиќ последен пат се борел пред седум години и покрај фактот дека има 51 година, тој сè уште е на сериозен тренинг, а неодамна откри дека добил понуда да се бори со Франсис Нгану и дека бил воодушевен од тоа.
– Ми се јави добар пријател, сериозна личност од светот на ММА, раководител на голема ММА организација и ми рече: „Слушај, знам дека си на тренинг и дека се одржуваш во форма. Дали си подготвен да се бориш со Франсис Нгану?“ – рече Мирко Филиповиќ во интервју за „RMC“. Прашав: „Со кого?“. Тој го повтори Франсис Нгану. Го прашав: „Што мислиш? Дали го употреби зборот борба или зборуваш за карти, шах, пливање, трчање? Мислиш, борба, како вистинска борба“. Тој рече дека мислел на борба.
Филиповиќ бил изненаден и не можел да поверува во понудата што му ја дале.
– Го прашав дали мисли на боксерски меч. Рече дека мисли на ММА борба. Почнав да се смеам и го прашав дали е луд?, продолжи тој со приказната.
Одговорот на Филиповиќ бил повеќе од јасен за тоа што мисли за таква борба, па дури и успеал да ја вклучи и сопствената мајка во „играта“.
– Ми рече да му кажам сума. Реков дека ќе побарам 500.000 за борбата, а 19,5 милиони за да го платам изразот на лицето на мајка ми кога ќе чуе со кого се борам. Ќе земам 500.000 за себе, а 19,5 милиони ќе одат кај мајка ми. Прво, борбата е во мај. Требаше да ме повикаат најмалку три месеци однапред. Но, кој би платил 20 милиони? Кој би ги потрошил парите ако ме убие? – праша Мирко Филиповиќ.
