Бразилската фудбалска суперѕвезда Нејмар објави среде Светското првенство дека ќе стане татко по петти пат, бидејќи неговата сопруга Бруна Бјанкарди е повторно бремена.
Нејмар и Бруна го очекуваат своето трето заедничко дете, додека Нејмар веќе има уште две деца. Тој потврди дека Бруна ќе роди уште едно девојче.
„Полудувам. Ќе основам бенд, од денес ќе се вика Спајс Грлс“, се пошегува Нејмар во објавата за оваа среќна вест што ја сподели со фановите на Инстаграм.
Во објавата, двојката се појавува со своите две ќерки, двегодишната Мави и 11-месечната Мел. Во видеото се појавува и 14-годишниот син на Нејмар, Дави Лука, кого го доби со инфлуенсерката Керол Дантас.
Нејмар има и ќерка, Хелена, од врската со Аманда Кимберли. Хелена е родена во време кога Нејмар веќе беше во врска со Бјанкарди, што предизвика двојката привремено да раскине. Сепак, тие се смирија неколку месеци подоцна, а потоа се венчаа.
Потсетуваме, поканата на Нејмар до бразилската репрезентација за Светското првенство предизвика најголема реакција во јавноста, што изврши голем притисок врз тренерот Карло Анчелоти да ја вклучи ѕвездата на списокот.
Моментално, Нејмар е повреден и го пропушти првиот натпревар против Мароко. Денес тој беше подложен на нови прегледи, а сè уште е неизвесно дали и кога ќе игра.
Бразил ќе го игра својот следен натпревар на Светското првенство во ноќта од петок кон сабота во 2:30 часот наутро против Хаити.
