Германскиот тенисер Саша Зверев официјално е крунисан за нов светски број еден. Зверев го прими трофејот во присуство на претседателот на АТП, Гауденци, и директорот на Мастерс турнирот во Париз, Пиолин.
Тој имаше можност да го подигне познатиот трофеј во облик на глобус, резервиран само за оние кои ќе се искачат на тронот.
Саша изрази длабока благодарност.
World No.1 in the PIF ATP rankings 🥇☝️
#PIF #ATPRankings #Partner https://t.co/X4Fcf2No9b
— ATP Tour (@atptour) November 2, 2026
„Да се биде во истата категорија и дел од клубот број еден во светот покрај овие големи шампиони е една од најголемите почести што некој може да ги има како тенисер и спортист. Нашиот спорт има големи легенди, да се биде дел од овој круг е неверојатно посебно чувство. Ви благодарам многу, едвај чекам да се вратам за два дена“, рече Зверев.
Откако беа воспоставени АТП ранг-листите во август 1973 година, само 29 тенисери успеаја да стигнат до првото место.
Зверев ќе го започне турнирот во Париз со дуел против Лоренцо Мусети.
