Турција е апсолутно разочарување на Светското првенство, единствената во моментов, заедно со Хаити, што по два натпревари нема шанси да се пласира во нокаут фазата – разочарувањето е огромно, тренерот Винченцо Монтела не го криеше тоа, ниту најголемите ѕвезди кои ѝ се извинија на нацијата…
Но, тоа извинување „не помина добро“ кај легендата Нихат Кавечи, кој имаше што да каже за играчите за кои се верува дека се лидери на теренот…
„Ако оние што треба да преземат одговорност не го сторат тоа – тогаш што да очекуваме? Арда Ѓулер беше првиот што потфрли, како и Хакан Чалханоглу. Керем Актуркоглу отсуствуваше од теренот на двата натпревари…“, вели Кавечи и додава:
„Имавме две шанси. Знаете ли кој е одговорен за нив? Дефанзивците! Абдулкерим Бардакчи ја имаше едната, Мерт Мулдур другата. Лидерите не само што не направија ништо, туку се скрија. Сепак, добро ги видов.“
Очигледно најмногу очекуваше од Ѓулер.
„Арда Ѓулер – нашиот бисер. Можеби сум суров, но тој само се криеше. Оној што игра за Реал не треба толку малку да учествува и да одбива да преземе одговорност“, заклучи Кавечи.
