Родриго Мора ја отфрли можноста да го наследи дресот со број седум на Кристијано Роналдо во португалската репрезентација, велејќи дека бројот што моментално го носи му одговара совршено.
Роден во 2007 година, Мора имаше можност да ја дели соблекувалната со Роналдо во последните месеци, пред капитенот да ја заврши својата репрезентативна кариера. Младиот играч на Порто не крие колку му значело што имал можност да игра покрај една од најголемите личности во историјата на фудбалот.
„Имав огромна среќа да играм со Кристијано и да ја делам соблекувалната со него, бидејќи тој е пример за сите. Тој ја заврши својата репрезентативна кариера и Португалија му е многу благодарна за сè што даде“, рече Мора.
Одговорот на прашањето за преземање на познатата “седумка” дојде брзо, со насмевка.
„Не, не, не, не размислувам за тоа. Премногу е голема работа за мене, бројот 86 ми одговара совршено“, рече младиот Португалец.
