Долгата потрага по нов тренер за Милан заврши, а клубот конечно се одлучи за Рубен Алморим, јавуваат водечките новинари во Италија.
Првичниот фаворит за позицијата беше Андони Ираола, потоа најмногу се зборуваше за Оливер Гласнер, но на крајот поранешниот тренер на Спортинг Лисабон и Манчестер Јунајтед ќе биде наследник на отпуштениот Масимилијано Алегри на кормилото на „росонерите“.
Неговиот договор ќе биде за 2+1 сезони со годишна плата од 3,5 милиони евра, дополнет со бонуси за освојување трофеи и пласмани за Лигата на шампионите.
Така, 41-годишниот Аморим ќе биде третиот португалски стручњак назначен за тренер од сопственикот на клубот Џери Кардинале по Пауло Фонсека и Серхио Консеисао, кои поминаа по половина сезона во 2024/25 година.
Во меѓувреме, нов технички директор на гигантот од Милано ќе биде тренерот на Ајнтрахт Франкфурт, Маркус Кроше, кој ќе потпише тригодишен договор. Се очекува со себе да го донесе и Тимо Хардунг, кој ќе биде назначен за спортски директор – позиција што претходно ја извршуваше во германскиот клуб.
