Селекторот на Шпанија, Луис де ла Фуенте, остана смирен по неочекуваниот кикс на почетокот на Светското првенство во 2026 година. „Ла Роха“ ремизираше 0-0 со дебитантот Капе Верде, но искусниот стручњак не мисли дека тимот разочарал со својата игра.
„Важно е да останеме доследни и да ги следиме идеите што ги исповедаме. Да, можеби не бевме доволно прецизни во последната фаза. Тоа беше еден од оние натпревари во кои создавате многу шанси, но ги пропуштате“, рече Де ла Фуенте.
„Веројатно ни недостасуваше и малку свежина. Капе Верде е многу организиран тим. Тие се сместија во низок блок од самиот почеток и беше тешко да се добијат чисти позиции. Понекогаш успевавме, но мораше да ја движиме топката побрзо“, продолжи селекторот на Шпанија.
„Секако не ни недостасуваше желба. Имавме многу шутеви, но топката едноставно не влегуваше“, забележа Де ла Фуенте.
„Ламин Јамал и Нико Вилијамс постепено влегуваат во ритам. Во следниот натпревар веројатно ќе добијат поголема минутажа и ќе бидат поопасни за противникот“, додаде тренерот на европските шампиони.
Во второто коло од групната фаза, Шпанија ќе се соочи со Саудиска Арабија.
