Англискиот фудбалер Ентони Гордон е првото засилување на Барселона во летниот преоден рок, објави клубот. Договорот, најавен во изминативе денови, беше завршен во петокот.
Поранешниот напаѓач на Њукасл потпиша петгодишен договор со шпанскиот шампион, кој им плати на „страчките“ 70 милиони евра за неговата „слобода“, а таа сума би можела да достигне 80 милиони, доколку играчот оствари одредени бонуси од договорот.
Гордон слета во Барселона во четвртокот и успешно ги помина медицинските прегледи.
Anthony Gordon speaking in Spanish at his Barcelona unveiling after making the move from Newcastle 🇪🇸 pic.twitter.com/pNZAT9DIpv
— Sky Sports News (@SkySportsNews) May 29, 2026
Барса брзо го заврши трансферот, логично доведувајќи го Гордон пред Светското првенство, бидејќи се проценуваше дека неговата вредност ќе се зголеми по Светското првенство. Гордон, за потсетување, е на списокот на англискиот селектор Томас Тухел за најголемиот светски турнир во САД, Мексико и Канада.
Тој има успешна сезона зад себе на клупско ниво. Одигра 47 натпревари за Њукасл во сите натпреварувања, постигнувајќи 17 гола и имајќи три асистенции.
A new force joins our rhythm.
Anthony Gordon is culer 💙❤️ pic.twitter.com/v5UefCfUme— FC Barcelona (@FCBarcelona) May 29, 2026
Гордон им се приклучи на „црно-белите“ пред три години од Евертон. Може да покрива три позиции: централен напаѓач и двете крила. Најудобно се чувствува на левото крило, каде што играл најчесто.
