Првото странско засилување и првиот Американец во KK Соколи 1933 – Штип е Кам Хамилтон. Плејмејкерот од Шарлот, Северна Каролина, во тимот пристигнува со богато меѓународно искуство и настапи во САД, Албанија, Кипар и Полска.
Во сезоната 2025/26, настапувајќи во полското првенство, Кам бележеше импресивен просек од 19,9 поени, 5,7 скока, 3,8 асистенции и 2,5 украдени топки.
Според тимот, тој е играч кој ќе носи енергија, динамика и агресивност на двете страни од теренот, но и способност да преземе одговорност кога топката е најважна.
Што се однесува до Џеј Пал, станува збор за атлетично крило високо 206 сантиметри, кое зад себе има богато NCAA искуство настапувајќи за Jacksonville State, Campbell и реномираниот San Diego State.
Професионалната кариера го однесе во Грузија, Белгија и Мексико, а во сезоната 2025/26 за Frayles de Guasave бележеше просек од 13,2 поени и 5,5 скока. Пал, според тимот, треба да биде значајна сила во штипскиот состав.
