Зинедин Зидан официјално е нов селектор на француската репрезентација, а француските медиуми веќе ги открија милионските параметри на неговиот договор.
Легендата ќе ги предводи „петлите“ во следниот голем циклус со главна цел триумф на Светското првенство во 2030 година.
Според информациите од RMC Sport, Зизу ќе добива фиксна месечна плата од 300 илјади евра. Сепак, оваа сума може значително да се зголеми, достигнувајќи 450 илјади евра во зависност од постигнатите цели и заработените бонуси.
Договорот на поранешниот тренер на Реал Мадрид е за период од четири години, а тој ја презема функцијата по импресивната 14-годишна ера на Дидие Дешан. Со новиот договор, Зидан си гарантира минимална годишна плата од 3,6 милиони евра. Доколку се исполнат сите цели поставени во договорот, износот може да се зголеми на импресивни 5,4 милиони евра.
🇫🇷💰 Un salaire de 3,6 millions d’euros par an pour Zidane ?
Selon RMC Sport, le nouveau sélectionneur des Bleus toucherait 300 000 euros mensuels hors primes. Avec les bonus liés aux performances sportives, ses émoluments pourraient atteindre 5,4 millions d'euros annuels, un… pic.twitter.com/p1GqtLKboY
— Onze Mondial (@OnzeMondial) July 29, 2026
На овој начин, Зидан има можност да заработи значително повеќе од својот претходник и поранешен соиграч во националниот тим. Според истиот извор, годишната плата на Дидие Дешан изнесувала околу 3,8 милиони евра.
Дебито на Зинедин Зидан на чело на Франција ќе биде на 25 септември кога ќе ја посети Турција во натпревар од турнирот на Лигата на нации. Првиот циклус натпревари под негово водство ќе биде исклучително зафатен, бидејќи поради новиот, продолжен прозорец за меѓународни натпревари, „петлите“ мора да одиграат вкупно четири натпревари во рок од само 10 дена.
