Најдобриот српски тенисер, Новак Ѓоковиќ беше поразен во третото коло на Ролан Гарос од Жоао Фонсека со резултат од 3:2 во сетови. Иако Ѓоковиќ водеше со 2:0, следеше пресврт во кој Фонсека направи големо изненадување.
По натпреварот, Фонсека ги сподели своите впечатоци, а особено ја воодушеви публиката со својот одговор на прашањето дали очекувал победа.
„Не верував дека можам да го добијам натпреварот. Само играв и уживав што сум на теренот. Задоволство е да излезам на теренот и да играм против него. Прв пат имам таква можност и сум многу среќен.“
Потоа го анализираше текот на натпреварот.
„Не размислував за ништо. Сакав да ја удрам топката што е можно посилно, тој едноставно не прави грешки. Игра како да има 20 години. На крајот од натпреварот, мислам дека беше физички поспособен од мене. Се чувствував многу побавно. Беше подобро кога се стемни. Кога беше топло, топките летаа“, рече Фонсека.
Младиот тенисер се осврна и на трите аса што ги погоди за да го затвори натпреварот.
„Се чувствував како Џон Иснер, никогаш не сум го направил ова во мојата кариера и сум пресреќен“, рече тој.
