Големата тројка не е само нешто незаборавно во тенисот, тоа е време што го обележа целиот спорт. Никогаш во толку долг период, речиси две децении, немало толку силно соперништво. Рафаел Надал, еден од тројцата великани, ги дефинираше своите најголеми ривали.
– Роџер беше личност и тенисер кој, би рекол, се потпира малку повеќе на магија, на чист талент и инспирација. За Новак, би рекол дека е некој што вложил повеќе труд, секако обдарен со неверојатен талент. Тој има работна етика и победнички менталитет што е тешко да се спореди – Шпанецот го цитира францускиот портал „We Love Tennis“.
Рафа потоа додаде:
„Тие се различни личности, имаа различни пристапи кон своите кариери, но нивните патишта ги одведоа до границата и им дозволија да бидат извонредни. И двајцата беа ривали кои не престанаа да се подобруваат, а ме однесоа и мене до границата“.
Тој самиот ја потврди особината што го доведе до врвот:
„Најважно е да го дадеш својот максимум до крајот. Повеќе уживав во борбата отколку во победата. Ги сакав предизвиците и најмногу уживав во нив. Предизвикот да се надминам и себеси и противникот“.
