Францускиот тенисер Корентин Муте се најде во центарот на вниманието откако АТП му изрече висока казна за неговото однесување за време на телевизиско интервју на турнир во лондонскиот Квинс клуб
Моментално 36-тиот рангиран во светот, Корентин Муте, е казнет со 40.000 долари (околу 35.000 евра) откако постојано користел вулгарен јазик за време на интервју во живо со Би-Би-Си.
Сè се случи по неговата победа против сонародникот Џовани Мпетши Перикард во првото коло од натпревар што се протегал два дена поради околностите.
Според АТП, Муте го изговорил зборот „е*е“ седум пати за време на задолжителното интервју, иако новинарот го предупредил во неколку наврати и го замолил да внимава на својот речник за време на преносот во живо.
„По употребата на вулгарен јазик од страна на Корентин Муте (…), играчот е казнет со 40.000 долари за неспортско однесување“, се вели во соопштението за медиумите од АТП.
Францускиот тенисер не се согласува со одлуката и веднаш поднесе жалба.
„Неговата жалба ќе ја разгледа Комитетот за усогласеност на АТП“, објави АТП турнејата.
Муте беше елиминиран во второто коло од турнирот, но казната што ја доби за користење несоодветен јазик пред камерите беше позначајна од резултатот.
