Техничкиот директор на Ред Бул, Пјер Ваше, даде загрижувачко признание дека австрискиот тим едноставно „не е доволно брз“ за време на викендот на Големата награда на Унгарија.
Првиот ден на „Хунгароринг“ се покажа како исклучително тежок за тимот од Милтон Кинс, откако Макс Верстапен и Исак Хаџар имаа сериозни проблеми со балансот.
Во петокот, Верстапен заврши четврти на хронометарот, но седум десетинки зад водечкиот, додека Хаџар заврши шести, цела секунда зад лидерот Луис Хамилтон. Ред Бул имаат неколку проблеми што треба да ги решат со RB22 пред квалификациите, а ветерот, исто така, му приреди непријатно изненадување на тимот.
„Многу поплаки. Автомобилот е тежок за возење. Тешко е да се справиш со огромната промена на ветерот во споредба со првиот тренинг кога беше многу посилен.“, изјави Ваше синоќа.
„Тешко е да се пронајде вистинската линија на оваа патека поради нерамнините. А проблемот е што кога автомобилот е на работ на овој начин, мало нарушување има огромно влијание врз балансот“, додаде тој.
Ваше призна дека нема магично решение за тимот и наместо тоа е прашање на одење на работите „чекор по чекор“.
На прашањето дали втората тренинг сесија била индикативна, Ваше одговори: „Мислам дека е тешко да се каже. Јасно е дека не сме доволно брзи. Мора да работиме на тоа и да видиме каде ќе завршиме. Само треба да се обидеме и да видиме како можеме да се подобриме. Не можеме да правиме чуда; само треба да одиме чекор по чекор.“
