Фајнал Фор (Ф4) на Евролигата повторно ќе се одржи во Абу Даби. По првото издание во 2025 година, главниот град на Обединетите Арапски Емирати ќе биде домаќин на четирите најдобри европски клубови во 2027 и 2029 година, потврдија во заедничка изјава Евролигата и Министерството за култура и туризам на Абу Даби.
Финалниот турнир во 2027 година е закажан за 28 и 30 мај, а повторно ќе биде домаќин на Етихад Арената на островот Јас, каде што Фенербахче победи за титулата пред две години.
Одлуката за враќање на Фајнал Фор во Абу Даби во два наврати претставува продолжување на соработката меѓу Евролигата и организаторите од Емиратите, но и потврда за амбициите на елитното европско натпреварување дополнително да го прошири своето присуство надвор од границите на Стариот континент.
The EuroLeague Final Four returns to Abu Dhabi in 2027 and 2029 🇦🇪 🏆
📅 May 28 & 30, 2027
📍 Etihad Arena#F4GLORY presented by @VisitAbuDhabi https://t.co/oQHACReSLK
— EuroLeague (@EuroLeague) October 27, 2026
Претседателот на Евролигата, Дејан Бодирога, не го криеше своето задоволство од постигнатиот договор.
„Извонредно ми е драго што можам да објавам дека Фајнал Фор се враќа во Абу Даби. Би сакал да му се заблагодарам на Абу Даби за неговата континуирана поддршка и доверба. Заедно организиравме еден од најдобрите финални турнири во нашата 26-годишна историја, со што ја демонстрираме огромната глобална привлечност на Евролигата. Овој нов чекор ја потврдува нашата заедничка посветеност на развојот на кошарката и создавањето незаборавни искуства за нашите навивачи“, рече Бодирога.
Извршниот директор на Евролигата, Кус Буено, не го криеше своето задоволство, нагласувајќи ја важноста на Абу Даби за понатамошниот развој на натпреварувањето.
„Обновувањето на нашето партнерство со Абу Даби за организација на Фајнал Фор во 2027 и 2029 година е уште еден значаен чекор во нашата стратегија за меѓународен развој. Нашиот модел, кој ги поврзува традиционалните европски кошаркарски пазари со глобални градови кои нудат врвна инфраструктура, силен туристички потенцијал и страсни спортски заедници, продолжува да дава одлични резултати. Абу Даби стана клучен партнер во остварувањето на оваа визија и заедно ќе продолжиме да ја носиме европската клупска кошарка до најшироката можна публика низ целиот свет“, рече Буено.
Првиот Фајнал Фор во Абу Даби, одржан во мај 2025 година, привлече огромно внимание. Билетите беа распродадени за само неколку часа, а Фенербахче го крена шампионскиот трофеј пред 12.000 гледачи на Етихад Арената.
Според објавениот распоред, полуфиналето во 2027 година ќе се игра во петок, 28 мај, додека големото финале е закажано за недела, 30 мај. Финалето на Евролигата за јуниори, исто така, ќе се одржи истиот ден.
Абу Даби со тоа ќе биде домаќин на финалниот турнир од најсилното европско клупско натпреварување три пати во рок од пет години.
 на кошаркарската Евролига ќе се одржи во Абу Даби во 2027 и 2029 година, потврдија во заедничка изјава Евролигата и Министерството за култура и туризам на главниот град на Обединетите Арапски Емирати.){kind=link}