Хрватскиот тешкаш Филип Хрговиќ и светски шампион во IBF остро ги критикуваше своите конкуренти, нарекувајќи неколку актуелни шампиони „лажни“.
Додека гостуваше кај Ариел Хелвани, Хрговиќ рече дека статусот на светски шампион мора да се докаже исклучиво во рингот.
Тој особено ги нападна Даниел Дубоа и Фабио Вордли, тврдејќи дека Дубоа е лажен шампион затоа што ја зел титулата од Вордли, кој според него незаслужено и со „ограбување“ на судиите, го победи Џозеф Паркер.
„Имам чувство дека сите тие се лажни шампиони во моментов. Дубоа е лажен шампион затоа што го победи лажниот шампион Фабио Вордли. Фабио Вордли не требаше да го победи Џозеф Паркер. Тој ја губеше таа борба и мислам дека тоа беше голем грабеж“, рече Хрговиќ.
Хрговиќ не ги поштеди ниту Агит Кабаjел ниту Мурат Гасиев, истакнувајќи дека двајцата ги освоија своите појаси на „зелената маса“, без вистинска борба.
Со овие навреди, Хрговиќ јасно става до знаење дека се стреми кон борби за обединување на титулите за да докаже кој е навистина најдобриот тешкаш во светот.
