Шпанскиот дефанзивец Марк Кукуреља повторно се најде во центарот на вниманието на фудбалската јавност откако блесна во дресот на Фуријата на Светското првенство. Кукуреља беше еден од најдобрите играчи на Шпанија во нивната потрага по светскиот трон, а по враќањето од Америка, главна тема е неговата врска со неговиот четиригодишен син кој има аутизам.
Кукуреља и неговата сопруга неодамна ги споделуваа своите искуства и зборуваа за животот со малиот Матео, а сега новиот дефанзивец на Реал Мадрид дури се расплака во емисија.
„Ова е прв пат да зборувам, многу ми е тешко. Многу страдам, не знам како да му помогнам, особено кога го гледам во лоша состојба, многу сум емотивен… Морам да зборувам за тоа и тоа искуство“, рече Кукуреља.
„Тоа е тема која, искрено, ме прави доста чувствителен. Но, добро, среќен сум што сум тука, бидејќи ова е, на крајот на краиштата, прв пат да зборувам за тоа и да го споделам моето искуство. Погледнете што ми направивте… Ах, извинете, простете ми…“, рече Кукуреља.
Tu nous as fait pleurer aussi, Cucurella…
Cucurella 🇪🇸: « J’ai un fils autiste, j’aimerais tellement ne pas avoir d’argent du tout pour que mon fils soit en bonne santé.
Je laisse pousser mes cheveux parce qu’il les aime ; et aussi pour qu’il puisse me reconnaître si un jour…
— 𝐏𝐒𝐆 𝐌𝐀𝐑𝐎𝐂🇲🇦 (@PsgFanClubMaroc) July 23, 2026
Покрај Матео, брилијантниот лев бек со неговата сопруга Клаудија Родригез има и ќерка, Бела, и уште еден син, Рио.
Неговата сопруга Клаудија, исто така, проговори за нивната борба претходно.
„Матео е роден пред четири години и видовме некои различни работи од другите деца. Не добивме многу помош од градинката, тоа беа најлошите месеци. Секој пат кога го остававме, плачевме. Сепак, многу работи се променија, не е лесно да се најде соодветно место за училиште, терапија, храна“, рече Клаудија.
Кукуреља го смени клубот ова лето и наместо во Лондон, каде што играше за Челси, сега ќе живеат во Мадрид. Еден од условите за реализација на трансферот беше Реал да обезбеди најдобри услови за неговиот син.
„Тој нè научи многу. Мораме постојано да мислиме на него. Не можеме да правиме некои работи што не се добри за него. Одморите секогаш се тешки“, рече г-ѓа Родригез.
Дефанзивецот на Реал Мадрид, исто така, откри дека не сака да ја скрати својата долга, препознатлива коса за да може неговиот син да го препознае на теренот во секое време.
