Ракометарите на Вардар 1961 ремизираа со германски Мелсунген со 26:26 (14:12) во последното коло од групната фаза на Лигата на шампионите на ЕХФ. Македонскиот шампион на тој начин се збогува со елитното натпреварување со три бода, додека германскиот тим со нерешениот резултат обезбеди место во плејофот.
Избраниците на Иван Чупиќ одиграа добро прво полувреме, кое заврши со водство од два гола (14:12), но гостите направија пресврт во резултатот на почетокот од второто полувреме. Следеше израмнета битка во која екипите се менуваа во водство, а одлуката дојде во драматична завршница.
Вардар го израмни резултатот на 24:24 со атрактивен цепелин на Жоао Педро и Јака Малус, а резултатот влезе во последната минута со 25:25. Иако со играч помалку, домаќините добија седмерец на 25 секунди пред крајот, кој Матео Фадуил го реализираше за 26:25.
По тајмаутот на Роберт Гарсија Парондо, Мелсунген успеа да израмни, а последниот контранапад на вардарци донесе долг судиски преглед на видеото. Сепак, судиите не досудија седмерец, па резултатот остана 26:26.
Матео Фадуил беше најефикасен за вардарци со седум гола, Вукашин Воркапиќ постигна четири, додека голманот Милош Валах имаше 14 одбрани.
 во последното коло од групната фаза на Лигата на шампионите на ЕХФ){kind=link}