Аргентинскиот тренер Фернандо Гаго е под медицински надзор откако доживеал сериозни здравствени проблеми за време на прес-конференција, поради што бил итно префрлен во болница во Сантијаго, објавија шпанските медиуми.
Според „Марка“, поранешниот играч на Реал Мадрид и Бока Јуниорс бил опериран кратко време по приемот во здравствената установа, по што бил задржан во клиниката за понатамошно следење на неговата состојба.
Информациите за здравствените проблеми станаа познати кога Гаго не се појавил на планираниот тренинг со својот тим, Универсидад де Чиле. Клубот во своето прво јавно обраќање објави дека тренерот е на медицински прегледи, само за подоцна да потврди дека мора да се оперира.
Како резултат на тоа, Гаго нема да го води тимот во следниот натпревар од Купот на Чиле.
Спортскиот директор на клубот, Мануел Мајо, откри дека аргентинскиот стручњак почнал да размислува за обврските што го очекуваат многу брзо по операцијата.
„Кога влегов во неговата соба, тој веќе зборуваше за натпреварот во недела и за играчите за кои разговаравме претходно. Му реков дека сега треба да се одмори и да се фокусира на закрепнувањето. Едвај чека да се врати на работа, па ќе мора малку да го забавиме додека не ја напушти болницата“, рече Маџо.
Деталите за точната дијагноза сè уште не се објавени, но клубот соопшти дека Гаго ќе остане под медицински надзор додека не се знае колку време ќе му треба целосно да се опорави.
