Репрезентацијата на Англија се соочи со изненадувачки проблем пред утрешниот натпревар против Хрватска во Далас.
Дефанзивецот на Њукасл, Тино Ливраменто, е огромен знак прашалник за неговото учество на Светското првенство откако претрпе повреда на мускулот.
Според британската Би-Би-Си, 23-годишниот десен бек се повредил на тренинг во неделата, а медицинската служба на англиската репрезентација во моментов врши детални прегледи за да ја утврди степенот на штетата. Учеството на младиот играч на турнирот веќе беше неизвесно бидејќи тој веќе ги пропушти последните пет недели од клупската сезона поради повреда на бутот.
Селекторот на Англија се наоѓа во незавидна позиција пред утрешниот натпревар, кој се игра во 22 часот по средноевропско време. Доколку тестовите покажат дека Ливраменто не може да игра, Англија ќе мора да активира замена од списокот на играчи.
Како прва опција и потенцијална замена се споменува стоперот на Челси, Трево Чалоба, кој чека зелено светло за да се приклучи на тимот.
За потсетување, натпреварот од првото коло од групата помеѓу Хрватска и Англија ќе се игра утре во Далас со почеток во 22:00 часот.
