Репрезентативниот голман на Капе Верде, Возиња, еден од највпечатливите голмани на изминатото Светско првенство, ја продолжува својата кариера со чилеанскиот гигант Коло Коло.
Четириесет годишниот голман привлече големо внимание на Светското првенство, каде што беше еден од најзаслужните за историскиот пласман на својот тим до нокаут фазата. Капе Верде ја надмина групната фаза, пред да биде елиминиран од Аргентина во шеснаесетфиналето со минимален резултат.
Возиња пристигна во Коло Коло како слободен агент откако се раздели со португалскиот Чавез, а во текот на својата кариера играше и за клубови во Ангола, Кипар, Молдавија и Словачка.
¡𝐕𝐨𝐳𝐢𝐧𝐡𝐚 𝐲𝐚 𝐟𝐮𝐞 𝐩𝐫𝐞𝐬𝐞𝐧𝐭𝐚𝐝𝐨 𝐨𝐟𝐢𝐜𝐢𝐚𝐥𝐦𝐞𝐧𝐭𝐞! 🤟🏻⚪️⚫️
Junto a nuestro presidente Aníbal Mosa, el director deportivo Jaime Pizarro y el gerente deportivo Daniel Morón, Vozinha fue presentado como nuevo jugador de Colo-Colo en una conferencia de prensa… pic.twitter.com/OeYAAMqItF
— Colo-Colo (@ColoColo) August 4, 2026
„Иако играв во помали лиги и за клубови кои не беа европски гиганти, секогаш верував дека припаѓам на голем клуб. Кога дојде повикот од Коло Коло, немаше сомнеж. Имав неколку понуди, но овој клуб беше мој прв избор од самиот почеток“, рече Возиња.
На своето прво Светско првенство, репрезентацијата на Капе Верде го освои второто место во Групата Х, ремизирајќи со подоцнежните светски шампиони Шпанија (0:0), Уругвај и Саудиска Арабија.
„Светското првенство е најголемата работа што ми се случила во фудбалот, но тоа сега е зад мене. Доаѓањето во Коло Коло, клуб со огромна традиција, е врвот на мојата клупска кариера“, рече искусниот голман.
