Поранешниот македонски репрезентативец и екс играч на АЕК, Атланта Хокс, Фенербахче и Црвена Звезда, Перо Антиќ, предизвика многу реакции во јавноста откако лично го испрати Андреја, син на неодамна починатиот музичар Владимир Блажев – Панчо, на неговата мала прослава по повод матура!
Антиќ сподели видео на социјалните мрежи на кое се гледа како го вози Андреја на прославата со својот автомобил, како и заедничка фотографија со пораката: „Среќна матура, лепотану“.
Овој чин доби голем одѕив од јавноста и на социјалните мрежи, каде што граѓаните ја пофалија хуманоста и лојалноста на Антиќ во бројни коментари. Многумина го сметаа овој гест за симболична порака дека сеќавањата на починатиот музичар продолжуваат да живеат преку неговите најблиски пријатели, кои остануваат со неговото семејство во најважните моменти од нивниот живот.
Владимир Блажев Панчо, член на популарното дуо „ДНК“, и Перо Антиќ се сметаа за многу блиски пријатели, а нивната врска често се нагласуваше јавно.
Да потсетиме, Панчо загина во пожар во дискотеката „Пулс“ во Кочани.
