Откако се појавија информации дека Лонзо Бол одлучил да се пензионира, поранешниот кошаркар на Лос Анџелес Лејкерс се огласи на социјалните мрежи за да ги негира шпекулациите.
„Сум се пензионирал? Тоа е вест за мене, бидејќи сè уште чекам повик… НБА сезоната е долга“, напиша Лонзо кратко и отсечно.
Lonzo Ball pumps the brakes on retirement rumors 🗣️ pic.twitter.com/ZPmi3xENv8
— Yahoo Sports (@YahooSports) September 23, 2026
Бол остави зад себе исклучително турбулентен период. По ветувачкиот почеток со Лос Анџелес Лејкерс, тој стигна до Чикаго Булс преку Њу Орлеанс Пеликанс, каде што покажа во текот на сезоната 2021/22 колку може да биде корисен кога е здрав. Тој беше важен дел од тимот што долго време го држеше врвот на Источната конференција.
А потоа следеше катастрофална серија проблеми со левото колено. Повеќекратни операции, трансплантација на менискус и долго закрепнување го оддалечија од теренот повеќе од две години.
Тој успеа да се врати во НБА кошарката, но без континуитетот што му беше потребен. Минатата сезона играше за Кливленд, а потоа во февруари беше продаден во Јута, кои го отпуштија кратко потоа.
За потсетување, медиумите ги протолкуваа зборовите што ги кажа во својот поткаст како збогум на неговата кошаркарска кариера.
„Чувствувам дека дадов сè што имав на кошарката и сè што имам во мојот живот дојде од кошарката. Благодарен сум што успеав да стигнам до НБА и што можев да играм девет години. Не мислам дека некогаш сум го достигнал својот врв, а тоа боли. Но, во исто време, има луѓе кои дури немаат ни оброк да јадат навечер. Така го гледам светот“, рече тој во својот поткаст.
Lonzo Ball confirms he’s officially done with basketball while reflecting on his NBA career and everything he went through with injuries 🏀💔
“I don’t think I ever got to my peak, and damn, that sh*t sucks, but at the same time there’s people that don’t have meals at night to… pic.twitter.com/pU9JbdzXpT
— keeno (@ayekeeno) September 23, 2026
