Кошаркарската репрезентација на Македонија загуби од Бугарија во Самоков со 97:68 во првата контролна средба од јулскиот циклус.
Бугарија подобро го отвори дуелот во „Сам Елион“ Арената и по првите десет минути стигна до предност од осум поени (28:20). Во продолжението, домашната селекција ја зголемуваше разликата, а проблемите на Македонија во нападот резултираа со поголем минус на полувремето – 50:37.
По паузата, сликата на теренот не се промени значително. Македонија се обиде да најде ритам во играта, но тешко доаѓаше до реализација. Во третиот период, нашата селекција постигна 16 поени, додека Бугарија одговори со 25 и пред последната четвртина имаше водство од 75:53.
Во завршниот период домаќинот рутински ја задржа предноста и стигна до конечна победа од (97:68) во првата контролна проверка за двете селекции.
Виктор Ефремовски реализираше 13.поени за нашата селекција, Виктор Ташовски постигна 12.
