Легендарниот српски кошаркарски тренер Жељко Обрадовиќ денес се врати на тренерската работа, откако го напушти Партизан на крајот од минатата година.
По заминувањето од Партизан, некои српски медиуми тврдеа дека популарниот Жоц ќе се пензионира, а неговото враќање не можеше да биде поголемо и погласно, бидејќи денес го презеде Панатинаикос.
Угледниот „Еурохупс“ објави детали за соработката на Обрадовиќ со грчкиот гигант, а беше објавено дека српскиот тренер го потпиша најголемиот тренерски договор во историјата на Евролигата.
Имено, Обрадовиќ потпиша тригодишен договор со ПАО вреден дури 12 милиони евра, што значи дека ќе заработува четири милиони евра по сезона.
Обрадовиќ на тој начин ќе биде платен значително повеќе од неговиот претходник на клупата на грчкиот тим, Ергин Атаман, кој заработуваше нешто помалку од три милиони евра годишно.
Следниот најплатен тренер во Евролигата е Шарунас Јасикевичиус од Фенербахче со плата помеѓу два и два и пол милиони евра по сезона.
