Рекордни 133 поранешни НБА кошаркари ќе учествуваат во Евролигата во сезоната 2026/27, објавува BasketNews. Ова се 11 екс НБА играчи повеќе од минатата сезона во елитното клупско натпреварување на Стариот континент.
Ова се играчи со барем еден натпревар во регуларната сезона или плејофот на НБА, прецизира медиумот. Во статијата, исто така, се наведува дека двата тима со најмногу поранешни НБА играчи се моментално Реал Мадрид и Дубаи – по 11. Минатата сезона, три тима го држеа првото место по овој индикатор со по девет НБА кошаркари – Олимпијакос, Реал Мадрид и Партизан.
Литванскиот центар Јонас Валанчунас, кој се врати во Европа по повеќе од една деценија во НБА, има 1.002 натпревари во „Лигата на вонземјаните“. Тој го облече дресот на Жалгирис ова лето.
Легендарниот австралиски ветеран Пети Милс, кој потпиша со АСВЕЛ Вилербан, има 921 НБА натпревар зад себе, запишани во текот на 16 сезони.
Трет во ова рангирање е канадскиот играч на Олимпијакос, Кори Џозеф, со 866 натпревари.
Џеј Браудер (812), Еван Фурние (704) и Алекс Лен (690) се други интересни имиња со завидно искуство во НБА, додека Дарио Шариќ (498), Кенет Фарид (478), Дејвис Бертенс (475) и Даниел Теис (411) се сите со над 400 натпревари.
Новата сезона во Евролигата започнува на 24 септември.
