Латвискиот кошаркар Роландс Шмитс е нов играч на Басконија, објави клубот од Виторија.
Шмитс потпиша договор до крајот на сезоната и се враќа во Евролигата, откако го напушти Ефес во текот на летото и се пресели во кинеските Нингбо Рокетс.
Латвискиот крилен центар ги помина претходните две сезони во Ефес, за кој одигра 74 натпревари во Евролигата. Во текот на кариерата играше за Барселона, Жалгирис, Фуенлабрада и Басконија.
Според информациите од „Баскет њуз“, Кенан Камењаш е исто така блиску до доаѓање во Виторија, на позајмица од Дубаи.
Поранешниот центар на Будуќност има договор со Дубаи до 2027 година. Тој сè уште не играл во Евролигата оваа сезона, а играше во АБА лигата.
Басконија е последна во Евролигата заедно со Милано, двата тима имаат биланс од една победа и девет порази, а во 11. коло од Евролигата ќе гостуваат кај Партизан во Белград.
