Џон Фјури верува дека нема вистинско непријателство помеѓу неговиот син Тајсон и Ентони Џошуа, и покрај нивното долгогодишно соперништво.
„Го запознав Џошуа, тој е одличен човек и се однесуваше кон мене со почит. Да, постои соперништво помеѓу него и Тајсон, но Тајсон го почитува Ентони и Ентони го почитува Тајсон“, рече Фјури постариот.
„Ова е бокс, ова е бизнис. Дали се мразат? Не. Ниеден боксер не го мрази другиот. По борбата ќе се прегрнат. Сигурен сум во тоа. Веројатно ќе останат пријатели засекогаш“, додаде таткото на поранешниот светски шампион во тешка категорија.
Според најновите информации, борбата помеѓу Тајсон Фјури и Ентони Џошуа е закажана за 11 декември на фудбалскиот стадион во Кардиф, Велс, но засега нема официјална потврда.
Се очекува судирот да биде еден од најголемите боксерски натпревари во последните години.
