Мајк Тајсон ќе биде во фокусот на нова документарна серија на Netflix. Продукцијата од четири епизоди „ТАЈСОН“ ќе се состои од 13 епизоди и премиерно ќе се прикаже на 13 октомври.
Netflix веќе го објави трејлерот за серијата, која ќе го следи животот на поранешниот апсолутен светски шампион во тешка категорија – од неговото тешко детство во Бруклин и брзиот подем во професионалниот бокс до најтешките периоди надвор од рингот.
Серијата ќе ги испита проблемите на Тајсон со зависностите, неговото време во затвор, јавните скандали и еден од најпознатите инциденти во историјата на боксот – одгризувањето дел од увото на Евандер Холифилд.
Приказната ќе ја раскажува самиот Тајсон, а продукцијата вклучува претходно невидени архивски снимки, како и сведоштва од неговото семејство, пријатели и ривали.
Според Netflix, целта на „ТАЈСОН“ е да ја покаже не само величината и падот на една од најпрепознатливите фигури во историјата на боксот, туку и човекот зад јавниот имиџ.
Премиерата на четирите епизоди е закажана за 13 октомври.
