Напаѓачот на Баерн и Англија, Хари Кејн ја освои тројната круна со Баварците во Германија минатата сезона, освои бронзен медал на Светското првенство и постигна 73 гола во 65 натпревари за клубот и репрезентацијата.
Само Лионел Меси беше поефикасен во сезоната 2011/2012 кога постигна неверојатни 82 гола во 69 натпревари.
Но сепак, Кејн, како и секогаш, е скромен кога зборува за можното освојување на „Златната топка“.
„Комплицирано е. Никогаш не сум сакал премногу да зборувам за себе. Се што можам да кажам е дека минатата сезона беше неверојатна, и за мене лично и за целиот тим. Убедливо најдобрата сезона во мојот живот. И тие 73 гола, вториот најдобар настап во историјата на фудбалот, зборуваат сами за себе. Исклучително сум горд и можам само да им се заблагодарам на моите соиграчи и на сите други што ми помогнаа да го направам тоа. Но, освојувањето на „Златната топка“ не е во мои раце. Зависи од луѓето што гласаат. Што се однесува до мене, минатата сезона е веќе минато. Сега сум фокусиран на новата сезона и едвај чекам да видам колку можам да направам“, рече Кејн во интервју за „Марка“.
