Кристал Палас го отпушти францускиот менаџер Пјер Саж по само пет месеци и 16 натпревари на чело. Лондонскиот клуб е на дното на табелата во Премиер лигата.
Клубот ја потврди одлуката во кратко соопштение.
„Кристал Палас може да потврди дека Пјер Саж ја напушти својата позиција како менаџер. Клубот сака да им се заблагодари на Пјер и неговиот тренерски штаб за нивните напори за време на нивниот престој во јужен Лондон и им посакува се најдобро во иднина“, се вели во соопштението.
Crystal Palace Football Club can confirm that Pierre Sage has left his role as Manager.
The club would like to place on record its thanks to Pierre and his staff for their efforts during their time in South London, and wish them well for the future.
https://t.co/JcVHA6FIhe https://t.co/VAM8XnpHlq
— Crystal Palace F.C. (@CPFC) November 12, 2026
Асистентите на Саж, Џамал Алиуи, Дамиен Дела Санта и Санди Гишар, исто така го напуштија клубот.
Саж го наследи Оливер Гласнер во јуни и пристигна на Селхерст Парк од Ленс, со кого го освои второто место во Лига 1 и првиот трофеј во Купот на Франција за клубот.
Тој има забележано само две победи и едно реми во десет натпревари во Премиер лигата со Палас. Клубот имаше трпение по поразот од 5-0 кај ривалот Брајтон во октомври, но следеа уште три последователни порази.
Саж е вториот менаџер од Премиер лигата кој е отпуштен денес, откако Манчестер Јунајтед го отпушти Мајкл Карик.
Палас соопшти дека ќе објави нов менаџер подоцна, а поранешниот менаџер на Брентфорд и Тотенхем, Томас Франк, е фаворит, според англиските медиуми. Француските медиуми, исто така, го поврзуваат Саж со враќање во Ленс, кој го отпушти Пјер Кајузак оваа недела.
