Крисенсио Сомервил го напушти Вест Хем и ја продолжува својата кариера во Ал-Хилал. Саудискиот клуб го потпиша 24-годишниот холандски репрезентативец за 80 милиони евра, иако во последните денови крилниот напаѓач беше сериозно поврзуван со трансфер во Рома.
Сомервил пристигна во Вест Хем во летото 2024 година за речиси 30 милиони евра, но неговиот престој кај „чеканите“ траеше само една сезона. Сепак, интересот за него остана сериозен. Покрај Рома, со неговото име беа поврзувани и Пари Сен Жермен и Манчестер Јунајтед. На крајот, Ал-Хилал успеа да ги победи европските кандидати со понуда која се покажа како тешка за одбивање и за Вест Хем и за самиот играч.
Ал-Хилал официјално објави дека Сомервил потпишал четиригодишен договор. Договорот беше финализиран во тренинг центарот на тимот во Австрија, каде што саудискиот клуб спроведува дел од своите подготовки.
Со неговиот трансфер од 80 милиони евра, Кресенсио Сомервил станува вториот најскап холандски фудбалер во историјата. Само Френки де Јонг, за кого Барселона плати 86 милиони евра на Ајакс во 2019 година, е пред него. Сомервил се сели во Ал-Хилал по силниот настап на Светското првенство во 2026 година во САД, Канада и Мексико, каде што постигна 2 гола и 2 асистенции.
