Превисоките цени на билетите за Светското првенство се стара тема. Навивачите се жалат, но очигледно има и такви што ги купуваат. И тоа во голем број, бидејќи секој ден стануваат поскапи.
За церемонијата на отворање и натпреварот меѓу Мексико и Јужна Африка на познатата „Ацтека“, цената на билетите моментално е над 7.000 евра! Затоа фан-зоните на градските плоштади се преполни, известуваат медиумите од Мексико Сити.
„Од рано наутро, градот е зелен, сите носат дресови на Мексико. Редот за фан-зоната на ФИФА на плоштадот Зокало почна да се формира во текот на ноќта. Неколку од нив пристигнале во 04:00 часот утрово. Се очекува 55.000 луѓе да бидат на плоштадот“, известуваат новинари од мексиканската престолнина, цитирани од Моцарт спорт.
