АТП Мастерсот во Монтреал продолжува да ни носи сензации! Прво, во средата, доцна навечер по средноевропско време, Александар Зверев го заврши учеството на турнирот во Канада, а уште еден носител – Даниил Медведев – тргна по неговите стапки!
Она што е особено интересно е што холандски тенисери беа подобри од двајцата!
Зверев беше поразен со 2:1 од Талон Грикспур, во сетови 7:6, 2:6, 4:6.
Првиот сет помина без ниту еден брејк, се играше сервис за сервис до самиот крај, а на крајот Германецот успеа да стигне до првиот сет преку тај-брејк.
Сепак, Грикспур „додаде гас“ во продолжението, и со два брзи брејка успеа да израмни на 1:1, а потоа да постигне целосен пресврт и победа!
Слична судбина го снајде и Даниил Медведев, кој не успеа да земе сет од Ботико Ван де Зандшулп, губејќи со 2:0!
Иако успеа двапати да направи брејк на сервисот на својот ривал во првиот сет, Медведев четири пати загуби на свој, а Холанѓанецот поведе со 6:3.
Вториот сет беше малку понеизвесен, со по два брејка на двете страни, а на крајот Ван де Зандшулп славеше по тај-брејкот, и така дојде до триумф!
