Подготовките за Вимблдон, а по освојувањето на титулата на Ролан Гарос, најдобриот германски тенисер Александар Зверев ги започна на турнирот во Хале, каде што денес беше сопрен во полуфиналето.
Зверев беше поразен со 2:1 во дуелот со деветтиот тенисер во светот, Американецот Тејлор Фриц, во сетови 6:7 (4:7), 6:4 и 7:5, а мечот траеше два часа и 44 минути.
Откако го доби првиот сет во тај-брејк, Зверев се заглави во самиот финиш во следните два сета, кога Фриц дојде до брејкови, кои беа одлучувачки за исходот на овој меч.
Ова е прв пораз на Зверев за еден месец, од дуелот со Италијанецот Дардери во Рим, по кој има вкупно десет победи – седум на Ролан Гарос и уште три во Хале.
Фриц сега го чека името на својот противник во финалето, кој ќе биде победникот од уште еден германско-американски дуел, Даниел Алтмаер или Франсес Тиафо.
