Луис Хамилтон и Андреа Кими Антонели беа казнети по квалификациите за ГН на Унгарија за прекршоци за време на сесијата и ќе стартуваат поназад од позициите на кои завршија.
Лидерот во шампионатот Антонели ќе биде поместен три места назад од четвртото место затоа што не ја намалил доволно брзината под жолтите знамиња. Ова се случи на последната кривина, каде што Макс Верстапен се изврте, а Италијанецот подоцна објасни дека веќе влегол во кривината кога ги видел жолтите знамиња и не можел да забави.
Антонели го подобри своето време во третиот сектор на Хунгароринг, што ги убеди стјуардите дека не ја кренал ногата од гасот.
Луис Хамилтон, пак, беше казнет за три места назад на стартот затоа што го задржа Оскар Пјастри на првата кривина за време на последниот дел од квалификациите.
Значи, утре, светскиот шампион Ландо Норис и Шарл Леклер ќе стартуваат од првиот ред, додека Пјастре и Макс Верстапен ќе стартуваат од вториот ред.
Here’s how the drivers line up for the 2026 Hungarian Grand Prix 👀#F1 #HungarianGP pic.twitter.com/UnJQsAZk7v
— Formula 1 (@F1) July 25, 2026
