Францускиот возач на Формула 1, Исак Хаџар, го продолжи договорот со Ред Бул до крајот на 2027 година, објави официјалната веб-страница на натпреварувањето.
Хаџар (22) ќе вози за Ред Бул следната сезона заедно со Макс Верстапен, кој го продолжи договорот до 2030 година пред нешто повеќе од еден месец.
„Навистина сум возбуден што ќе ја продолжам соработката со Ред Бул. Се приклучив на овој тим пред осум месеци и веднаш ја разбрав големината и амбицијата на оваа организација. Исто така, сум свесен за привилегијата да возам за толку неверојатен тим, со четирикратен светски шампион како Макс. Од моментот кога го потпишав договорот, решив целосно да се посветам на тимот, а со поддршката на Лоран Мекис и сите во Милтон Кинс, успеав да ја оправдам довербата што ми ја дадоа“, рече Хаџар.
Тој се приклучи на јуниорскиот тим на Ред Бул во 2022 година, а потоа возеше во Формула 2 и Формула 3. Потоа се натпреваруваше во Ф1 за тимот на Рејсинг Булс, а на крајот од минатата сезона се пресели во Ред Бул.
Хаџар моментално е на осмото место во генералниот пласман кај возачите со 71 бод.
Следната трка во шампионатот Ф1 ќе биде Големата награда на Азербејџан на патеката во Баку.
Another season of Max and Isack at Red Bull Racing 🤝
Locked in 🔒#F1 pic.twitter.com/uIWdGKDAu2
— Formula 1 (@F1) September 23, 2026
