Дел од италијанскиот печат објави денеска дека искусниот австриски фудбалер, 34-годишниот Давид Алаба, ќе ја продолжи кариерата во италијанскиот прволигаш Удинезе.
Официјалниот договор сè уште не е потпишан, но сè е договорено меѓу двете страни и се наведува дека потпишувањето е само формалност. На крајот од минатата сезона, дефанзивецот Алаба ја заврши својата епизода во Реал Мадрид, со што стана слободен агент. Ова значи дека нема пречка Алаба веднаш да стане нов член на екипата на Удинезе.
🚨✈️ EXCL: David Alaba, here on the way to Italy where he’s landing now to sign in as new Udinese player.
Alaba will sign for Udinese after medical tests with formal steps to follow next. 🇦🇹
The Italian club has already confirmed the exclusive story. ⚪️⚫️ pic.twitter.com/QsJgqIurE7
— Fabrizio Romano (@FabrizioRomano) September 23, 2026
Минатата сезона, Алаба одигра 16 натпревари за Реал, а вкупно постигна пет гола и девет асистенции во 132 натпревари за тој тим. Својата професионална кариера ја започна во вториот тим на Австрија Виена, а пред да се приклучи на Реал во 2021 година, играше и за Баерн и Хофенхајм. Досега има одиграно 117 натпревари за австриската репрезентација, постигнувајќи 15 гола.
Удинезе моментално е на 13-то место на табелата во италијанската Серија А со една победа, реми и три порази.
