Замената на Ленат Карл: Бев на Марбеља, Нагелсман ме праша дали сум пијан

Само шест дена пред почетокот на Светското првенство, младиот фудбалер Асан Уедраого (20) ги спакува куферите за патувањето на животот. Ѕвездата на РБ Лајпциг беше повикана во германската репрезентација како замена за повредениот Ленарт Карл (18), сензацијата на германскиот Баерн, кој беше исклучен поради скинат мускулен сноп. Повикот од тренерот Јулијан Нагелсман го затекна целосно неподготвен, на одмор во Марбеља.

Во интервју за германските медиуми, Уедраого ги откри деталите од тој неверојатен момент, пишува БИЛД. „Всушност лежев на лежалка и, како да го кажам, неверојатно опуштен. Потоа тренерот ме повика, веднаш се префрлив од 0 на 180. Трчав зад аголот за никој да не ме чуе. Ми рече дека би сакал дополнително да ме повика. Тоа веднаш ме направи неверојатно среќен. А потоа ме праша дали сум пијан. Но, сепак не пијам. Потоа реков: „Не, сè е во ред“. И веднаш долетав.“

По шокантниот повик, тој прво се обиде да ја сподели веста со своето семејство. „Веднаш ја повикав мајка ми, таа не се јави. Потоа татко ми, исто така не се јави. Потоа ја добив постарата сестра, која на почетокот не ми веруваше“, рече Уедраого. „Неверојатна чест е да можам да играм на Светското првенство. Повеќе не сметав на тоа. Тоа беше експлозија од емоции.“

На прес-конференцијата во средаta, Уедраого, заедно со клупскиот колега Давид Раум (28), ги насмеа присутните и остави убав впечаток, а сега се надева дека ќе обезбеди забава и на теренот. Кога го опишува својот стил на игра, играчот од средниот ред вели: „Би се опишал себеси како малку непредвидлив. Тешко ми е дури и да опишам што правам, тоа е фристајл.“

Иако беше со Лајпциг на ПР турнеја во Јужна Африка пред кратката пауза, Уедраго тврди дека нема да му треба долго време за да се врати во целосна физичка форма. „Не сум играл фудбал една недела, па нема да ми треба долго време за да бидам целосно подготвен“, рече тој со сигурност. Светското првенство може да започне за него.