Челси продолжи да го засилува тимот, а најновата аквизиција на екипата од „Стемфорд Бриџ“ ќе биде Максенс Лакроа, еден од најдобрите дефанзивци во англиската Премиер лига.
Дваесет и шест годишниот Французин одлично играше во редовите на Кристал Палас во последните две сезони, а „сините“ решија да одвојат дури 61 милион евра за него.
Како што објави Фабрицио Романо, сè е договорено и Лакроа е во Лондон на лекарски прегледи.
Французинот ќе потпише шестгодишен договор и ќе биде второто најплатено засилување на тимот од Лондон ова лето.
На првото место е крилниот напаѓач Морган Роџерс, кој го собори англискиот рекорд од 138 милиони евра, а зад Лакроа е десниот бек Марко Палестра, кој пристигна од Аталанта за 57 милиони евра.
