Алексис Мекалистер отворено зборуваше за својот статус во Ливерпул и призна дека бил повреден од одлуката на клубот да не му понуди нов договор.
Аргентинскиот репрезентативец пристигна на Енфилд од Брајтон во 2023 година, а договорот што го потпиша во тоа време истекува за две години. Во тој период, Ливерпул ја продолжи соработката со своите колеги од средниот ред, Рајан Гравенберг и Доминик Собослај, додека Мекалистер не доби нова понуда.
Пред натпреварот на Ливерпул против Атлетико Мадрид во Лигата на шампионите, освојувачот на Светското првенство во 2022 година без двоумење зборуваше за ситуацијата.
„Како што сите знаат, постоеше можност. Бев информиран дека клубот во моментов не е во позиција да ми го продолжи договорот и тоа, секако, ме прави многу тажен“, рече Мекалистер.
Аргентинецот нагласи дека секој ден го дава својот максимум и дека Ливерпул останува многу важен за него.
🚨📰NEWS REPORT:
Liverpool no.10 Alexis MacAllister has expressed the message relayed by Liverpool to him that they do not prioritize/intend to renew his contract.
It is also reported that Liverpool officials are not happy that Macca spoke about this publicly.
📎@indykaila pic.twitter.com/FJNsiJDYF5
— TOUCHLINE FOOTBALL (@TOUCHLNFOOTBALL) September 8, 2026
„Мислам дека сите можат да видат дека давам 100 проценти за овој клуб, секој ден на тренинзите. Понекогаш играм добро, понекогаш играм лошо, но секогаш давам се од себе“, рече тој.
Тој е особено задоволен што Собослај и Гравенберг добија нови договори, но признава дека му било тешко што истото не му се случи и нему.
„Ги гледам Доминик и Рајан како ги продолжуваат своите договори, што ме прави среќен. Во исто време, тажен сум што не ги добив моите“, рече Мекалистер.
Сепак, 27-годишниот играч од средниот ред не ја затвора вратата за продолжување на соработката со Ливерпул. Во текот на летото, постоеше можност да го напушти клубот, а Реал Мадрид и Манчестер Сити покажаа интерес за него, но трансферот не се случи.
„Сè уште има време. Ќе дадам 100 проценти до последниот ден. Ќе видиме што ќе се случи. Ова лето имаше опции да заминам, но во моментов сум во вистинскиот клуб“, рече Мекалистер.
