Чудни вести доаѓаат од Мадрид – Реал сака да го задржи Винисиус, Бразилецот сака да остане, но нема начин да се постигне договор за продолжување на соработката.
Проблемот се парите, бидејќи Винисиус сака да има ист договор како Килијан Мбапе, а „кралскиот клуб“ не сака да ги стави на исто ниво, поради што Арсенал се вклучи во приказната и е подготвен да плати 150 милиони евра отштета.
Легендарниот црногорски фудбалер Предраг Мијатовиќ, исто така, смета дека ситуацијата воопшто не е безопасна. Поранешниот спортски директор на Реал беше многу скептичен кога зборуваше за евентуалното продолжување на преговорите и впечатокот што Винисиус го остава со своето однесување.
„Во овој момент, кога останува уште една година до крајот на договорот, целата оваа ситуација ми кажува дека Винисиус не е навистина заинтересиран за продолжување на договорот. Кога станува збор за оваа фаза, ми се чини дека тој размислува за други понуди и ги разгледува. Многу луѓе зборуваат за Винисиус. Како што можете да видите, Арсенал е многу заинтересиран да го доведе и сака да „ја оспразни касата“ и да направи сè што е потребно за да го ангажира“, изјави Мијатовиќ за Радио Кадена Сер.
Човекот што го донесе Реал до нивната седма европска титула, исто така, испрати порака до Винисиус.
„Реал Мадрид мора да ја зачува својата величина, а Винисиус мора да разбере дека е во Реал. Имаше многу играчи кои си заминаа малку лути, вклучувајќи ме и мене, а потоа се случува, каде и да одите, вториот ден кога ќе пристигнете во спортски центар што не е „Валдебебас“, кога играте на стадион што не е „Бернабеу“, да почнете да велите: „Боже мој, колку згрешив“, рече Мијатовиќ.
