Реал Мадрид продолжува да биде најактивниот европски клуб ова трансфер лето. Најновото засилување на „лос бланкос“ сега се очекува да биде 27-годишниот шпански репрезентативец Марк Кукуреља, ексклузивно објави Фабрицио Романо.
Според информациите, Реал ќе плати фиксна сума од околу 55 милиони евра за левиот бек на Челси, како и уште 5 милиони евра во форма на можни бонуси. Сè е веќе договорено меѓу клубовите, како и со самиот играч. Привлекувањето на играчот е на лично инсистирање на новиот тренер Жозе Мурињо.
Кукуреља беше поврзуван со ривалите од Ла Лига, Барселона и Атлетико Мадрид, откако неколку пати навести дека не е задоволен од она што се случува во Челси. Сепак, тој очигледно одлучи да ја продолжи кариерата на Бернабеу. Минатата сезона, шпанскиот репрезентативец одигра 50 натпревари, во кои постигна 1 гол и даде 4 асистенции за „сините“ од Лондон.
Кукуреља треба да ги реши проблемите на „лос бланкос“ на левата страна од одбраната, каде што Ферланд Менди често се повредуваше во последните сезони, а Алваро Карерас и Фран Гарсија не беа секогаш доволно убедливи. Кадравиот бек игра на Островот од 2021 година, прво како дел од Брајтон, а потоа се пресели во Челси. Интересно е што Кукуреља е Каталонец и помина низ младинските формации на Еспањол и Барселона.
Реал веќе ги обезбеди потписите на Ибрахима Конате, Дензел Дамфрис и Бернардо Силва, иако овие трансфери сè уште не се официјално објавени.
